Кніга - крыніца ведаў
Кніга-лепшы сябар. Як
часта мы чуем гэтыя словы.
Так звыкліся ўжо з імі,
што часам не ўдумваемся
ў
іх сэнс.
А кніга - гэта цэлая скарбніца
ведаў,
выдатных думак, добрых парадаў. Яна вядзе нас па таемных сцежках мінулага, на імклівым заркалёце імчыць у будучыню, вучыць аддана служыць Радзіме, любіць родную зямлю, сваіх бацькоў, вучыць працаваць і сябраваць. Нашу краіну часта называюць чытаючай краінай. І на самай справе, кніга ў нас узнята на п'едэстал гонару. І ўсё, што звязана з друкаваным словам, выклікае вялікую ўвагу народа. Кнігу любяць старыя і малыя, акадэмікі і школьнікі. Нельга ўявіць сабе жыццё без кнігі... Ці ж змог бы чалавек вучыцца, стаць адукаваным, даведацца пра цэлы Сусвет, калі б не было кнігі? Вось чаму кнігу называюць крыніцай ведаў... |
Родныя казкі,дзе звяры розум маюць..Мінск.-20142014
Уключаны адны з самых вядомых ды лепшых беларускіх народных
казак: «Муха-пяюха», «Зайкава хата», «Коцік, пеўнік і лісіца»,
«Лісіца-хітрыца», «Каток-залаты лабок», «Чаму барсук і лісіца ў норах жывуць»,
«Як кот звяроў напалохаў», «Пшанічны каласок», «Каза-манюка».
Прыгожыя аўтарскія малюнкі выкананы маладым беларускім
мастаком Алесей Жыткевіч.
Ткачоў В.Высокі страх.Мінск-2014.
Каму спатрэбіліся цёплыя абноўкі халоднай зімою? Што такое
высокі страх? Хто выпіў ваду? Пра ўсё гэтае і шмат што іншае даведаюцца юныя
чытачы, калі пазнаёмяцца з новай кнігай пісьменніка, лаўрэата прэміі Федэрацыі
прафсаюзаў Беларусі Васіля Ткачова. Героі яго твораў самі робяць добрыя справы
і вучаць іх рабіць іншых.
Карлюкевіч А.Як жаўна лясным жыхарам кватэры будавала. Мінск.-2014.
Галоўны герой казкі Алеся Карлюкевіча «Як Жаўна лясным
жыхарам кватэры будавала», вядомы чытачу па кнізе «Крыніца паноў Ельскіх»,
выпраўляецца ў падарожжа ў Лацінскую Амерыку. Беларускі школьнік адкрывае новы,
невядомы дагэтуль яму свет. Знаёміцца з птушкай Жаўной —чырай, гатовай заўсёды
прыйсці на дапамогу. Вандруючы па свеце, і наш галоўны герой, і яго
спадарожніца не забываюцца пра радзіму, родную старонку. І гэтым школьнік і
птушка асабліва сімпатычныя. Прыгоды Максімкі былі б далёка не поўныя, калі б не
яго захапленне збіраннем паштовых марак. Калекцыянаванне для галоўнага героя —
гэта і шырокія магчымасці адкрываць новыя краіны, бачыць вялікі свет.
Гардзей, В.К. Малая дзіцячая Чырвоная кніга. Ахоўная флора.
— Мінск : Беларусь, 2010. — 152 с. : іл.
У “Малой дзіцячай Чырвонай кнізе”, якая пабачыла свет у 2008
годзе, аўтар у займальнай і дасціпнай форме расказаў пра рэдкія і тыя, што
знікаюць, віды беларускай фаўны. Цяпер вядомы пісьменнік прапануе чытачам
папулярнае літаратурна-мастацкае выданне, дзе, зноў жа, у цесным спалучэнні
верша і празаічнай замалёўкі апавядаецца пра ахоўныя расліны Беларусі.
Жукевіч В.Хто хацеў бы пакатацца?
Мн.-2014
.Васіль Жуковіч, чые творы змешчаныя ў школьных падручніках,
гэтую кнігу склаў пераважна з сюжэтных вершаў з адметным і каларытным гумарам.
Давідовіч С.Дзівос з дзівосаў.Мінск.-2014.
Гэта першая кніжка
казак вядомага паэта і празаіка Сяргея Давідовіча. Творы вызначаюцца не толькі
тонкім гумарам, але маюць павучальны падтэкст.
Беларускія народныя казкі. Расказваў неяк Міхалка з Данеяк :
для дашк. і мал. шк. узросту / літ. апрац. Анатоля Клышкі ; маст. У. С.
Пашчасцеў. — Мінск : Народная асвета, 2013. — 127 с. : іл.
Краіна казкі заўсёды дзесьці далёка — за гарамі, за
лясамі...
А вось яна тут — у гэтых казках, якія сабраў і літаратурна
апрацаваў вядомы букварыст, пісьменнік, заслужаны работнік культуры Рэспублікі
Беларусь Анатоль Клышка.
Маленькія чытачы даведаюцца, чаму кот мыецца пасля яды, а крот
жыве пад зямлёю, як лось і ліса мяняліся нагамі, а мядзведзь, воўк і дзік
задумалі займець чалавечы розум і што з гэтага выйшла. Гэты казачны свет
прасякнуты прагаю справядлівасці, ён вучыць дабру, праўдзе, высокай маралі.
Комментариев нет:
Отправить комментарий